中秋節快樂！街坊們忙於吃月餅、買蠟燭、揀燈籠慶祝中秋。荃灣有一條公共屋邨就以「掛燈籠」以增添節日氣氛！
每逢中秋，荃灣某井型公屋的中層都會掛上燈籠陣，營造獨特的中秋景觀。這些燈籠由街坊自發掛起，色彩繽紛、排列有序、場面壯觀，從天井向上望觀感更佳，居民亦讚不絕口。
這種畫面，可算是公共屋邨獨有畫面！難怪井型公屋邨一直被喻為見證最能體現舊時人情味與社會氣氛的地方之一。
可惜的是，如今的中秋一年比一年失色，過往孩子們點蠟燭玩燈籠賞月的畫面亦愈來愈少。
「時代變 人物風景都改變」，節日的氣氛、孩童的興致、熱鬧的情景於時代巨輪下日漸消失。
有見及此，街坊們就自發佈置自己既屋邨！
負責佈置既街坊表示：「其實細個時，有好多細路咁玩，但只係一條起兩條止。大個後，我太太覺得靚，能力又可以咪做大啲。」
據知燈籠陣只會於中秋節正日起懸掛1-2日，並盡量以不影響街坊及居民為大前題。
不過可惜既係懸掛與否要視乎當天的天氣(晴天/下雨)決定，今年見唔見到就要睇下好唔好天！
這種由街坊自發的簡單裝飾帶給不少人無限回憶，勾起昔日每家每戶每層都於圍欄上點滿蠟燭的片段。
但願這種由街坊自發營造的中秋氣氛不會因投訴被消失。
「我們可否約定於明年 維持樂觀笑臉一張 又再見？」
你嘅中秋記憶又係咩？
歡迎將您的文章/圖片電郵至 「article@d18hk.hk」，同眾街坊分享你嘅中秋佳節。
歡迎將您的文章/圖片電郵至 「article@d18hk.hk」，同眾街坊分享你嘅中秋佳節。