我地嘅社區,我地嘅香港 | 社區熱點 | 街坊故事 | 本地小店 | 港式生活

贊助廣告

【挺身而出】小學生公園玩火險爆炸 街坊大驚上前喝止

荃灣友

荃灣日前有3名小學生於大廈街公園玩火!據街坊形容,行經公園時發現有3名估計就讀小五、小六的小學生在玩火,懷疑他們當時用打火機「擺陣」燃點。該街坊目擊事發指出當時已經有打火機正在爆炸,並慶幸地說:「好彩個陣炸散左,否則一次過爆就唔講得笑」。事後亦見到火頭附近更有約10個未曾燃燒的打火機。此外,學生還準備了兩支噴髮膠,估計打算放進火頭引起爆炸,街坊見狀立即上前喝止。幸好最後街坊能夠制止學生玩火,並當場責備他們。

▲現場可見約有十多個火機仍未爆炸 / Ray Ho

當時,學生被街坊「鬧到七彩」,因為縱火嚴重妄顧他人及自身安全,一旦發生意外後果可能不堪設想。學生們也明白其嚴重性、道歉及收拾現場物品。到最後,事件雖然沒有報警處理,該街坊坦言已盡力向學生指出問題所在。

上前喝止的街坊:當時我已經嚇到佢地差d瀨尿,成個人震晒,又諗起自己細個都貪玩過,所以見收到阻嚇成效就放左佢地,我唔知啱唔啱,但係我果刻我覺得做法正確,關於應唔應該放,我冇補充。

▲學生玩火 的地點——大廈街公園 / Google map

雖然不少網友認為,應該報警交由警方處理事件,或者通知家長及引起學校關注才能有效警惕學生;但亦很多街坊認同事主的做法,「小朋友唔識性貪在所難免。有適度教訓就可以了,你做得岩!」

無可否認,是否報警有值得商榷的餘地,但事主挺身而出及時喝止學生的行為就一致獲得街坊高度稱讚。更有人明言「事主救了幾個小朋友」,若無及時制止,後果則不堪設想。「小朋友聖誕節假期!家長冇假期,小朋友冇人理!樓主做的岩!如果唔理分分鐘出事!」

贊助廣告

本區更多內容
評論
努力加載中,好快就得喇