【仁心仁術】柴灣仁醫郭亮鴻10月底榮休 街坊有話說表示感激

東區友

0 2,595

1978在柴灣開業的郭亮鴻醫生,為街坊診症39年,10月28日重陽節便正式退休。郭醫生陪伴不少街坊成長,是柴灣的名醫,醫務所每天都逼滿看病的人,他看似很冷漠,但他是很認真替病人看病,又會每天孜孜不倦致電病人詢問康復的情況,不少街坊都為之不捨。

FB 柴灣人柴灣事 群組的圖片

 

消息在網絡傳出後,不少街坊盛讚郭亮鴻是一名仁醫,他不止醫好他們的病,甚至救回他們的命。有街坊表示有次心口痛去郭醫生求診,郭醫生診斷後發覺病況不尋常,遂立即令他到對面的診所照 X 光片,方知是穿了一邊的肺部,馬上轉介他去醫院才救回一命。

另有亦有街坊指他非常細心,診所關門後會致電病人慰問康復的情況;又有街坊表示一家三代都是看他的;另有街坊表示郭醫生退休後,不知道去哪看病了。

看看東區友的街坊說什麼。

Lok Man︰ 依個真,我細細個開始睇足3X年,佢真係會打嚟問你情況點,有冇好咗,佢亦都好細心,我好多年前心口痛走去睇,佢聽幾聽覺得唔對路,即刻叫我過對面照X光,一陣已經有片睇,原來穿咗單邊肺,之後即刻去醫院,如果唔小心嗰D醫生當痛証的話,另一邊如果穿埋分分鐘好快即時死亡,依樣係醫院醫生講,所以真係好多謝佢.

Kathy Tam︰上個月頭發燒唔退睇佢,打兩枝針加抗生素都唔掂,到最後佢發覺有問題要驗我血。原來真係有事,急性肝炎住院一星期。由舊址開始睇佢,堅有follow up 入院第一晚都有check我有冇照佢意思入院。多謝惡醫生同成熟D短頭髪個姑娘。

Karman Wong︰祝郭醫生退休生活愉快, 身體健康! 柴灣街坊感謝你。

Ralph Wong︰ 最記得要食完一次藥坐半個鐘,再見多次醫生無問題先走得

Shirley Lau︰ 郭醫生雖然比較悪,但好有醫德和好有心,同埋每位姑娘都一樣好細心,醫生真係打比我問食咗藥反應有冇好咗,比佢話都值得,感謝郭亮鴻醫生和姑娘

Daisy Kwok︰ 話說我家工人姐姐感冒去睇佢,之後醫生打俾我老豆問佢點解咁遲先俾姐姐睇醫生。我老豆好無辜話 “醫生,係佢唔肯睇咋,我唔係無良僱主黎架” 好好笑!
好有愛的醫生呀!

梁超騤︰我家三代都係睇郭醫生,以後唔知睇邊個醫生啦。好唔捨得,祝郭醫生生活愉快!!

Coco Yip︰佢真係一好醫生,我由細就睇佢,我有病他晚上會致電問候病情,及藥物是否啱食,如果他退休,太可惜了!珍重!

 

有話想說,可以到這裡 —->    街坊仁醫退休啦

本區更多內容

評論

努力加載中,好快就得喇