【寸步難行】路德圍成貨物集散地 街坊行人感困擾

荃灣友

荃灣路德圍、鱟地坊及大河道一帶以食肆及街頭小食聞名,區內和區外人都喜愛光顧。該地段卻經常在週末及假日時被一堆堆貨物攻佔,行人的走動空間都被阻塞,寸步難行,叫苦連天。

據了解,阻塞地段的多為外籍家庭傭工,而一箱箱的貨物就是他們要寄回家鄉的物品。他們在該地段聚集,原因就是附近的廣場有多間運輸中心,專門經營香港與東南亞一帶的運輸,外傭則是中心的主要客源之一。其實運輸中心早已存在,過往也有不少外傭在附近包裝貨物。這幾年,情況一直沒改善,街坊們的容忍度開始到達臨介點……

▲途人寸步難行 / Smartho Keung

從不同街坊發來的圖片所見,附近一帶的多條主要通道都被貨物和包裝的人擠得水泄不通,行人需要左閃右避才能通過。對此情況,有些街坊表示要包容,「算啦,一星期一次。」「包容吓,離鄉別井打工寄嘢回家。」「作為我呢個普通的行街市民,我唔覺太阻到我,亦唔覺阻到我在附近消費。」「我都覺得煩,但他們完場是無野留低,反而花市,完場後,遍地垃圾。」

▲ 外傭在包裝貨物/Danny Cheung

不過,更多的街坊表示,情況已嚴重打擾他們的休息,「我地好多香港人都係一星期一日假咋,放假想好好地行下街食下野都唔得,周圍都比佢地霸晒。」「佢哋除咗阻街,其實仲製造咗好多嘈音出嚟! 樓上既低層住宅,星期六或日,本來係休息日,但晨早8點聽到膠紙聲,不斷喺度拉膠紙貼箱,本來瞓緊覺都嘈到要起身。邊個忍受到!? 邊個會體諒一下我一星期一次休息!」

▲橋底下眾滿人/Danny Cheng

有街坊亦抱怨,為何食環署沒有採取任何行動。有街坊就表示,這並非店鋪阻街,亦不是無牌小販,恐怕食環無力執法。另外有街坊表示,見過警察執法,驅趕人群。

▲阻擋行人路的貨物 / Danny Cheng

JAson Chau:人離鄉賤,賺咗啲錢,買嘢寄番老家俾屋企人。唔太阻人,包容一下可以嗎?

Kobe Poon:寄貨唔係應該在工廈度做咩?呢度係公眾地方,平時佢地坐係度食下野吹下水我覺得就冇問題。


Ivan Ma:他們在做生意,每星期六、日就做寄運,大量貨品,寄回家鄉作買賣,並取家中棄物作trading,寄送到老家。

本區更多內容
評論
努力加載中,好快就得喇