【七嘴八舌】帶布匹搭巴士被要求落車 你撐邊個?

深水埗友

事源上星期一(8月28日)在深水埗2x巴士上,有個男人因攞住卷布上車,而被司機要求落車,有乘客因不滿男人唔落車阻礙開車而發生口角。

▲男子與他所攜帶的布匹 / 香港突發事故報料區

 

上圖為布匹男與他的布匹,布匹尺寸亦因而被深水埗友討論,此尺寸真的需要被要求下車嗎?有網民撐男人,又有網民撐乘客,亦有人撐司機。

即刻睇下深水埗友有咩睇法:

撐布匹男
曾沛祥@深水埗友
我上次打電話去九巴問過,我攞住支兩米長嘅魚杆上車可以嗎?佢回覆話可以,但條件係唔可以上二樓同埋小心放好唔好影響到其他乘客就ok,所以我認為攞住果疋咁短嘅布唔俾上次係司機有心留難,擺佢上枱等其他乘客鬧佢

撐布匹男
Shirin Tanya Kwok@深水埗友
好慘個乘客
拎住咁小野企係度 俾巴士司機叫落車 唔落唔行
其實睇過九巴 佢可以拎唔超過10分1立方米 (唔超過5公斤)
不過司機唔行 由乘客俾乘客既壓力
佢自己食花生

撐布匹男
Linda Wong@深水埗友
唔系阻到好大地方,大熱天時,唔好難為人地又上又落,都糸勞苦大眾,為悭點的士錢。
冇睇唔起人啦。我有時買的餸和生果仲多過佢啦,唔同唔俾上?邊條法律規定?

撐司機
陳發記@深水埗友
車長要求他落車是道理及規定!
放生乘客,准上車是人情!
如果行車途中物件弄傷其他乘客,好心做了壞事!車長就因好心而犯規!
以現時社會的問責風氣,如我是車長,我一定趕這個乘客落車,保護自己份工!

撐司機
Francis Tsui@深水埗友
外表睇車長好似過份執著,其實佢係有必要,因為除乘容會投訴外另有稽查會上車,比佢投訴一次會扣好多津貼,所以o岩與唔o岩真係見仁見智!

中立-世事看透
李番西@深水埗友
放工時間,無論誰對誰錯,先生,你落車啦

中立-世事看透
鄧敦厚@深水埗友
趕時間- 同- 唔趕時間,決定咗你嘅心態。

 

本區更多內容
評論
努力加載中,好快就得喇