街坊來稿 | 婆婆巴士逃票坐霸王車 我應該告發嗎?

石籬街坊

早排朝早係地鐵站坐31M上石籬,排隊時留意到有位白髮蒼蒼既婆婆排我後面,我都冇乜點為意。係上車時呢位婆婆就行得好急,我就心諗唔知咩事呢?不如讓佢上先啦,但佢一路只係跟住係我身後並無爬我頭。我當時都覺得奇怪,所以留意住佢上車時有咩特別,結果一上車我就明白了。因為佢原來想逃票,唔俾錢搭車!所以佢一路跟住係我身後,盡量唔俾司機發現佢,然後急急腳行入車廂。司機當時綁緊安全帶,佢完全冇留意呢位婆婆上車無俾錢。

我當時有點愕然,見到婆婆手法都幾純熟,唔似第一次走數;但又諗起婆婆滿頭白髮,企都企唔直既情境好可能有咩難言之隱。我成程車15 16,諗緊去唔去同司機講或者直接問婆婆有咩苦衷、需要之類,結果去到婆婆落車我都冇過出聲。

在情,可能連兩蚊對婆婆都係一個負擔;在理,婆婆上車應該要俾錢。想問問街坊,遇上呢種情境你地會點做?我真係好困惑…

 

本區更多內容
評論
努力加載中,好快就得喇