【東鐵受阻】突發:放工等十多分鐘仍未有車

沙田友

issue-CNY2018

6時許,大批網民指在沙田站、九龍塘站及大埔墟站等十多分鐘仍未有列車,亦有已上車的網民表示列車比正常車速慢,有網民直言:「今早俾佢玩完,放工唔通又俾佢玩一次?」。港鐵發佈消息,指東鐵綫的「列車控制系統」(TCS)仍需使用後備機制操作,因此月台的資訊螢幕未能得悉列車之目的地及到達時間為何,乘客須留意車站現場廣播登車。

▲九龍塘站人流管制 / Helen Chan

港鐵東鐵線今早9時半宣佈因信號故障全線暫停,直至11時半才陸續恢復服務。由於正直上班繁忙時段,多班列車及港鐵站擠滿乘客,部份困在車廂內的乘客慨嘆「想走都走唔到」。東鐵線港鐵站外,的士站、巴士站及行人路皆充滿人群,港鐵大約於10時半才開始在不同地區陸續安排接駁巴士,被評安排混亂,應變緩慢。

▲大批乘客聚集月台,列車遲遲未出現 / Helen Chan

不少網友表示被困車廂,被困時間由15分鐘至1小時不等。即使有幸離開港鐵車廂及車站,都難以轉乘其他工具交通工具及港鐵接駁巴士,「接駁巴士又安排混亂,問職員排邊條又指東指西,搞到個個人排排下又要轉隊,依家成粒鐘有多都仲係大學食著風等緊接駁巴士」,「佢啲接駁巴士,根本上唔到車嫁囉,落馬洲羅湖夾晒去上水,平時火車都難上到,而家巴士咁細架,粉嶺邊上到車」。

網友留言:

Isabel Lui:成個九龍塘癱瘓 巴士d龍萬里長城咁長

Pantin Poon:唔係呀!有無搞錯呀!今日返工已經壞完,宜家到放工又壞

Helen Chan:新界東收工災難

 

Kwok Kiu:旺角東都上唔到啦,又話3分鐘一班,實際6-8已分鐘先一班

本區更多內容
評論
努力加載中,好快就得喇