【又係BB彈】媽媽抱3個月大囡囡被流彈擊中

將軍澳+西貢友

issue-CNY2018
▲單車公園發生有家庭被BB彈槍射擊 / 將軍澳+西貢友

有街坊報料,表示昨日(14/1)於單車公園遇上BB彈槍事件!當時附近有兩名小童在玩BB彈槍,一名手抱嬰兒的母親不幸誤中流彈!以下為該名媽媽親身描述的事發經過:

尋日我抱住3個月大既囡囡同婆婆去單車公園玩,坐咗喺長凳,點知突如其來有幾粒野彈左落我個頭到!當時我係抱住阿囡,好彩BB彈冇射到佢😤。原來係坐附近大約有五六米遠,有一對小兄弟,大約九歲同六歲, 佢哋玩緊BB彈槍!當時,我只係同小朋友話左一句「唔好再玩!」但冇去鬧佢🤦🏻‍♀️,果下我都嚇到呆左!之後我拿拿臨將阿囡放反入bb車,安排埋自己行裝,即走。到我走個時,見到對小兄弟將一大樽bb彈逐粒放入支氣槍到!個到都仲有成百粒bb彈!事實上,我話完對小朋友,我自己都驚,驚佢地用氣槍射我!🤦🏻‍♀️🤦🏻‍♀️始終我地有老有嫩!真係怕唔夠佢地2支氣槍黎!

▲每逢假日,單車公園內有眾多父母攜同年幼子女遊玩 / 80後媽媽@mamibuy

故意射人還是誤中?

據事主所言,他並不清楚該兄弟是故意瞄準活人抑或只是不幸被流彈誤中:「本身我抱住又望住bb,又同緊bb講野!到我feel 到痛,我大聲「哎呀」左下!一抬高頭就見到佢地係我前面大約4米前,2個小兄弟眼對眼咁望住我!」,所以未能確定該兄弟是否將活人當做靶射擊。

事發前兄弟的父親曾幫忙執BB彈補充彈藥

事主亦留意到該兄弟與妹妹、爸爸及婆婆同行。當時婆婆有目擊事件,而爸爸對於有其他人被BB彈擊中並不知情,惟事發前曾幫兒子撿回地上的BB彈以替其補充彈藥:「其實嗰對小兄弟同行有妹妹、爸爸、同埋年長既婆婆。事發當時,爸爸同妹妹行開咗,只得婆婆喺度同埋知道件事家!仲啤住我😑所以我先咁驚,覺得咁嘅情況話佢哋都冇用。但係我好記得,事發之前,小兄弟講個話冇彈藥,爸爸就喺地下執返啲BB彈俾對小兄弟!」

事主勸喻各位街坊小心

事後,被BB彈擊中的媽媽仍心有餘悸。一方面慶幸當時抱在懷中的嬰兒沒有受傷,一方面對於該名父親的行為表示疑惑和不解:「點解可以有啲咁嘅家長,由得小朋友係玩BB彈槍!傷到人就唔好啦,傷到自己就真係麻煩!」

🆘事主亦希望其他街坊攜同子女到單車公園遊玩時要小心,以免有人受傷🆘。

▲單車公園 / 康文署
本區更多內容
評論
努力加載中,好快就得喇