贊助廣告

街坊來稿 | 點評將軍澳熱門巴士路線

Lawmon Wong

98系列

▲98D號線 / 香港巴士大典

有時真係唔係幾明點解98系列嘅線死都要碌山,康翠區同寶林自己一set線,合情合理,例如98A同98C其實應該入埋新都城。但而家康城有咁多新住宅,坑口又吓吓要碌山,唔碌山都入埋寶林,點解有新客源都仲要拉98系入去就算,其實康城坑口應該全日開一set 96系線好似296系列咁將隧直出,而98系列集中服務寶林同山上,咁先至叫做合理d (順便以防里數過長收貴一個level) 。個別黎睇,98D定線直接,當然受歡迎,不過康翠居民都希望有自己去尖沙咀嘅線,所以如果98P可以加班,甚至全日化就更好。而康城區都希望有全日去尖沙咀嘅線,如果康盛同寶林share一條全日嘅 98P,康城同坑口share一條98D改經寶順路,或者會係好事,不過98P全日化之後嘅客量小弟就唔太敢講啦。至於796P方面,全日化都係好事,但係如果喺以上嘅改動之下,入到將軍澳站/清半就夠啦,否則會同康城坑口版98D重疊,而296D……喺796P全日化之後生存就更難了。

798系列

▲798A號線 / 香港巴士大典

而98D以外,798就最受歡迎了。全日都非常受歡迎,兩繁更常見頂閘。唯服務範圍無法覆蓋康盛及康城,故有798A及798B出現,但客量平平。如果真係認為有需求,可以建議康城改開全日直往康翠經寶達出沙田,唔停將軍澳其他地區,唯可能與九巴88路線重疊而令九巴反對。

290系列

▲290X號線 / 香港巴士大典

290亦都好受歡迎,甚至客量好似開290A之餘再開290B及290X,而290X支線更計劃全日化。290主線、290A、及290B定線都唔錯,唯獨290X令人費解,打算康城同做將南嘅特快又要碌山再入安達?安達應該改由290做,甚至290縮至寶達經安達出市區,而將軍澳只做290X。不過呢個建議又唔好,因為變相借2015開將荃線籍口開條唔係服務將軍澳嘅線,但如果290改經安秀道而唔停寶達又可能惹黎不滿,不過至少都係安秀道客非繁290A搭lift上去,然後290X加停坑口再入將隧直出荔景先至夠快(龍翔道都唔停)。不過如果採用290縮寶達嘅方案,就恐怕要再停埋寶林。

入屯門、元朗要出觀塘轉乘

▲296A號線 / 香港巴士大典

之前區議會、運輸署或者網上等等都有討論過將軍澳去大埔、馬鞍山、屯門、天水圍、元朗嘅線,呢幾條線繁忙時段開,相信會夠客,非繁唔敢講。但我覺得要開之餘亦應善用觀塘道巴士轉乘計劃,換言之要有一條直接來往將軍澳及觀塘的巴士線作轉乘之用。所以,明顯地98A失敗咗。寶林/康翠或許認為98A夠快,但坑口日日都幾乎載空氣,坑口乘客好多寧願畀近10蚊搭102或者搭地鐵都唔搭98A,可見98A慢得幾淒涼,而客源幾充足。同樣地,康城出觀塘,冇車。要善用觀塘巴士轉乘計劃,就應該開條近似296A嘅康城開出經坑口將隧線,咁樣轉乘計劃先起到作用。而296A相當好,唯將南同調景嶺未於覆蓋範圍之內。

過海路線可能性

如果要重開過海線,咁就要睇吓將藍隧道啟用果時有冇機啦。不過講真,將軍澳市中心、調景嶺喺地鐵將軍澳綫算尾站,過海用地鐵快過巴士,兩繁將隧東隧都要塞吓,所以客量唔會好。我就反而提議將藍隧道通車之後,坑口開經康城過海嘅新路線,兩繁開又好,全日開都好,呢個總算諗得過 。

如果你對區內巴士/道路/鐵路等方面有獨到的見解,
歡迎將您的文章電郵至 「article@d18hk.hk」。
本區更多內容
評論
努力加載中,好快就得喇