贊助廣告

街坊來稿 | 這家診所的小小舉動令我感動

May May Chow

屯門富健花園最近數月新開嘅醫務診所,診所門口貼咗段告示,字裡行間既關懷令我覺得好有親切感。當中一句 「生於斯 長於斯,希望為社會盡一點力」,令我更為感動!

▲作者供圖

本身呢位醫生都算少有地對病人細心!我個女之前喺新年前試過,因為發高燒同嘔吐所以帶咗佢去嗰度睇病,食完藥第二天就醫生親自打電話嚟問「小朋友仲有冇持續高燒?嘔吐跡象怎樣?」等。

當其時都覺得好warm好窩心!講真,依家啲醫生邊度得閑理你吖,加上現家係流感高峰期嘅敏感時刻,病人應診之後會打電話跟進個案,確實少有!見佢咁好醫德,上個禮拜再帶家中另一位成員去應診(諗住睇下夾唔夾,都希望佢做到家庭醫生),跟住就見貼上呢張公告文,霎時覺得感動!

除此之外,仲記得呢間診所過年嘅時候排晒長龍。診所本身寫住收八點,到我排緊嘅時候已經九點幾,跟住有啲人嚟到表示好唔舒服,姑娘同醫生都繼續收症,無話托手踭將病人拒諸門外。醫生見街坊有需要,就算過左鐘、截左龍都繼續睇埋啲病人,兩位姑娘亦唔會黑面(平時嗰啲已經黑左你面十世)。

▲作者供圖

呢位醫生同診所既熱誠同態度真係值得一讚,唔知呢位醫生係唔係真·屯門友呢?

編者:其實這位醫生上年聖誕同今年新年都有營業,替街坊於長假期間診症。鑑於醫生守則規定,為保障醫生,故未能直接列出醫生及其醫務所全名。

本區更多內容
評論
努力加載中,好快就得喇