街坊來稿 | 從美食廣場到工廠區,一路追尋的小店味道

Samuelming_

▲從愉景新城 Food court 搬至工廠區,味道卻是依舊 / samuelming_

相中嘅食店我記得由我細個嗰陣食到而家
嗰陣佢地喺愉景新城嗰邊嘅food court
記得佢地嗰陣唔洗30蚊就有個3餸飯
最重要嘅係竟然會包埋個碗仔翅
童年嗰陣 每食一次就會有種小確幸

不過 6,7年前商場重新大裝修
成個Food Court最後難逃拆卸嘅命運
而間舖頭 都被逼離開
取而代之 就係周大福啊 一啲高檔嬰兒品牌

直到前兩年左右 我先知原來佢地喺另一個地方開番間舖
嗰到係一間地舖 面向工廠區
平時人流唔算好多
座上客好多都係附近工作
或者係住喺附近上左年紀嘅人

不過呢個年頭生意難做 當年嘅飯今日已經賣到35蚊
連當年嘅碗仔翅都消失埋
其實今日嚟講都算幾唔錯
起碼夠足料唔會餓死人
同埋最起碼佢個肉餅依然好似以前咁好食

正因為咁 我有好幾次 都專登走番過去食
可能係一種情意結 覺得係一種滿足感
會令到有人一種迷上嘅感覺

不過 現實往往充滿變數
可能有朝一日 嚟一次重建
可能 呢種味道就搵唔番啦

其實 喺發展嘅同時
係咪可以留番一啲細舖
而唔係一味全街嘅大集團
買住一式一樣嘅嘢?

我們需要喜歡探索香港或對社區有一份鍾愛的你!
歡迎將您的文章/圖片電郵至 「article@d18hk.hk」,我們的編輯很快和你聯絡。
本區更多內容
評論
努力加載中,好快就得喇