5月20日我3點左右喺康順樓巴士站等緊車，嗰陣成條隊得我一個，突然有個好矮嘅皮膚偏黑嘅女人走黎叫我：「呀妹你有冇散紙可以借俾我？」
我：「噢，你要幾多吖」
佢：「廿蚊吖」
心諗：你坐咩車要廿蚊吖……
我：「咁冇咁吾好意思」
佢：「食屎吖你」然後就頭也不回咁走左了……留我一臉黑人問號係原地
每一句都係超平靜嘅語氣，發生咩事丫？😂
而且佢問完係直接過馬路走去康祥樓方向，完全吾係想坐巴士呢！
我係咪誤會左啲咩？佢嗰20蚊係咪其實想借尼食下午茶嫁咋？見我冇廿蚊仲好好人咁推介我食屎？好窩心啊！！😂
呢啲係巴士站專問學生妹借散紙坐車嘅類似，最近都見吾少：
上個月係葵芳巴士總站就有個呀叔係度問學生妹借錢（見佢已經問左幾班）
到我時佢就問我借5蚊坐車啦，我答：「我冇散紙添…你坐邊架車丫？我幫你嘟八達通丫~」佢就係咁話吾洗，我問左幾次佢都話唔洗…………喂呀你唔係有需要咩？做咩走丫？
上車後，係上層見到佢仲係附近問人借錢，唉………
各位葵青嘅街坊，要小心注意唔好比人利用你地嘅善良丫，特別係獨行嘅女生們，有機會你一拎銀包出黎就會被搶嫁啦……
真係想幫有需要嘅人嘅話，可以幫佢嘟八達通嫁！又安全又幫到有需要嘅人，如果佢真係有需要嘅話啦。