街坊來稿 │ 感謝那位挺身而出的司機

中西區友

10月13號星期六傍晚5-6點左右,我同太太於九如坊同小狗落街放電,期間小狗突然不適,四肢無力暈到,我同太太立即分開截車中途係無數的士見到我太太抱住垂死小狗立即冚旗!

周圍行走徬徨無助淚流滿面時刻,好多謝一位剛駛經圖中位置嘅白色私家車司機,剛好停係太太面前,太太唯有試下敲下車窗,睇下有冇好心人幫手。司機諗左2秒,問都無問去邊就好型揮手叫我到上車,快速車我地去堅尼地城吉席街,仲教我地落車點行去診所。
雖然小狗最後救唔返,但真係好多謝位司機幫忙。

好想同司機大佬講聲唔好意思,因為唔知有冇整污糟架車,唔知阻左佢幾多時間。事情太急太突然,未有問司機電話,連車係咩廠都無睇到,唔知司機會唔會睇到。

好感激佢好人做好事,仍然有香港人有愛心,係到祝願司機,身體健康、事事順利,

我亦代小狗感謝曾經送上祝福的人,祝大家健健康康

 

*以上內容由網友 Chi Chung Tsui 提供

 

本區更多內容
評論
努力加載中,好快就得喇