【街坊老店】艱苦經營50載 街坊送別荃灣老鞋店

荃灣友

issue-CNY2018

「如果你喺荃灣長大,無論你係60、70、80定90後甚至係千禧BB既你/妳地,都應該有好大機會幫襯過,當初還有開鎖配匙既服務呀!」店主女兒說。

▲鞋店全貎 / Jordon Tam

這家位於荃灣海壩街總督酒樓舊址(現大家X快餐店)旁的鞋檔經營50截,陪伴不少街坊成長。有些街坊從小光顧到長大,現在更會帶著自己孩子來光顧,終因倉租上升及檔主年事已高而宣佈於一月底光榮結業。「小時候的我,放學便會去鞋檔幫手看檔,因為媽媽就是檔主。媽媽每天風雨不改,即使臥病在床仍不放心。一心想要開檔,為的是養活我們。」店主女兒說。

▲檔主等候客人 / Jordon Tam

消息一傳出,街坊們都大感不捨,立即在網上紛紛留言,一一道出自己小時候買上學鞋、白飯魚等的經歷。「我細個既白飯魚,拖鞋,全部都係呢度買」,「細個成日行過都會睇玩具」,「個女而家 10 歲, 佢細時時時去嗰度買鞋,店主真係好好人,唔啱試到啱,又唔嫌小朋友煩,仲教識我點同小朋友買鞋!,「真係好夜都買到玩具,早兩日個女仲攞返喺嗰度買嘅玩具出嚟。」

▲鞋店貨品 / Jordon Tam

店主女兒呼籲,由於一月底租約期滿,存貨甚多,店主甚為擔心,呼籲街坊可以把握最後時間去道別及購買心儀貨品。有不少街坊更留言說買到坊間罕見的老款鞋或老款玩具呢﹗

▲鞋店貨品 / Jordon Tam

最後,大家雖深感不捨,但仍誠摯祝福檔主能安享晚年。「老人家做左幾十年,休息去多的旅行遊山玩水。」「店主好好休息下啦!阿女大個可以幫輕下頭家了!」

店主女兒:以前每逢開學,媽媽們或者婆婆們都會過來買黑皮鞋和白飯魚比D小朋友,過年前又會去買新拖鞋或毛拖:)但隨住歳月洗禮,媽媽體力欠佳,再加上倉租不斷上升,唯有結束用心經營五十載的鞋檔!

Weikong Tam:我全家拖鞋都幫襯你媽媽。

Helen Lee:老公之前有時收工收得夜都會走去買玩具或貼紙給仔仔

Catherine Li:我細個啲涼鞋就係到買

本區更多內容
評論
努力加載中,好快就得喇